2018-жылдын 10-октябрында Эл аралык Кувейт университетинин жалпы жамааты "Мугалимдер күнүн" белгилешти. Эл аралык Кувейт университенинин профессордук-окутуучулар жамаатын кесиптик майрамы менен ЭКУнун ректору, тарых илимдеринин доктору, профессор Асан Сулайманович Ормушев куттуктап университеттин алдыңкы педагогдорун атайын акчалай сыйлыктары менен сыйлады.
Ошондой эле Эл аралык Кувейт университетинин ректору А.С.Ормушев Юриспруденция кафедрасынын профессору, ички иштер кызматынын полковниги Бобушев Рысбек Сейитказиевичти “Кылмыш иликтөө кызматына 100 жыл” юбилейлик медалы менен сыйлады. Ал эми Грузияда болуп өткөн жүздөн ашык мамлекеттердин чеберлери катышкан шахмат оюну боюнча эл аралык мелдештин жеңичүсү Эл аралык мамилелер адистиги боюнча 2-курстун студенти алтын медалдын ээси Омурбекова Диананы ийгиликтери менен куттуктап өттү.
Майрамдык кеченин жүрүшүндө университеттин Студенттик Мажлиси тарабынан демилгеленген "Студенттердин сүймөнчүктүү мугалими-2018" номинациясы үчүн студенттер арасында сурамжылоонун жыйынтыгы чыгарылып окутуучулар сыйланды.
Иш-чаранын расмий бөлүгү аяктаган соң, ЭКУнун таланттуу студенттери концерттик программа тартуулашты. Концерттик программадан кийин окутуучулар университеттин ашканасында даярдалган майрамдык сый тамагына ортоктош болушту.
