Эл аралык Кувейт университетинин кесиптик орто билим берүү бөлүмү тарабынан 2023-жылдын 8-февралында саат 10:00дө “Катар” конференция залында “Кесиптик билим берүүнүн бүгүнү жана эртеңи” аталышындагы тегерек стол өткөрүлдү.
Иш-чаранын алкагында академиялык мобилдүүлүк жана кызматташтык мамилелерин чыңдоо, педогогикалык тажрыйба алмашуу, конок лекцияларын уюштуруу, мастер-класстарды өткөрүү, мамлекеттик аттестациялык комиссиянын курамына катышуу өңдүү иштерди жүргүзүү максатында Бишкек инновациялык колледжи менен 5 жылдык кызматтык келишим түзүлдү.
Келишимдик кол коюуга Эл аралык Кувейт университетинин ректору, п.и.д., профессор А.Э. Байсеркеев, Бишкек инновациялык колледжинин директору, ф.и.к, доцент К.Э. Эркинбеков, Эл аралык Кувейт университетинин окуу жана илимий иштер боюнче проректору, п.и.к., доцент А.Д. Ибраев, гуманитардык жана табигый илимдер факультетинин деканы ю.и.к., профессор А.К. Исмаилов, окуу-методикалык бөлүмүнүн башчысы П.Ш. Макешова, кесиптик орто билим берүү бөлүмүнүн жетекчиси, Эл аралык Кувейт университетинин доценти Г.А. Жамалбекова, кесиптик орто билим берүү бөлүмүнүн окуу иштери боюнча координатору Н. Абдыжапар кызы катышты.
http://iku.kg/index.php/component/content/article/9-news/102-kolledzhder-aralyk-kyzmattashtyk.html?Itemid=101#sigProId46f8ae435c