Кувейт мамлекетиндеги Кувейт университетинин профессору Муса Аль Мазидини жакында Бишкектеги Эл аралык Кувейт университетинде «Билим берүү тармагында лидерлик жана башкаруу жөндөмдөрү» аттуу 24 сааттык тренинг өткөрдү.
Тренинг – иш чөйрөсүндө ийгиликтүү командалык маанай түзүү, жумуш чөйрөсүндөгү көйгөйлөрдү жана конфликттерди чечүү искусствосу, ораторлук чеберчилик, кантип харизматикалык адам болуу керек деген маселелердин тууралуу болду.
Тренинге Араб филологиясы кафедрасынын профессор-окутуучулар жамааты жана араб тили окутулган Бишкектеги билим берүү тармагында кызмат кылган 40ка жакын окутуучулар катышышты.
Лекциялардын соңунда катышуучуларга сертификаттар тапшырылып, ЭКУнун ректорунун милдетин аткаруучу Аскарбек Байсеркеев Кувейттен келген профессор Муса Аль Мазидиниге терең ыраазычылык билдирип, мындан ары дагы кызматташууну улантып, мына ушундай кызыктуу семинар-тренингдерди өткөрүп туруусун өтүндү.
http://iku.kg/index.php/component/content/article/9-news/44-kuvejtten-kelgen-professor-musa-al-mazidini-ekuda-trening-tk-rd.html?Itemid=101#sigProId24092a6e77