Эл аралык Кувейт университетинде “Мамлекеттүүлүк жана адеп-ахлакты калыптандыруу” бир айлыгынын алкагында “Мамлекеттик тилдин азыркы абалы жана келечеги” аттуу тегерек стол өткөрүлдү.
Тегерек столдун ишине университеттин Социалдык-гуманитардык дисциплиналар жана журналистика кафедрасынын окутуучулары, кыргыз тили жана адабияты предметинен сабак берген окутуучулар жана 1-курстун студенттери катышышты.
Иш-чаранын ачылышында Эл аралык Кувейт университетинин тарбия иштери, эл аралык байланыштар жана мамлекеттик тил боюнча проректору экономика илимдеринин кандидаты, доцент Чолпон Жунусбаева иш-чаранын катышуучуларына куттуктоо сөз сүйлөп, мамлекеттик тилди өнүктүрүү олуттуу маселелердин бири экендиги баса белгилеп, бул маанилүү ишке бардыгын салым кошууга чакырып кетти.
Мамлекеттик тилди өнүктүрүүнүн абалы, анын келечеги тууралуу маселе боюнча университеттин Социалдык-гуманитардык дисциплиналар жана журналистика кафедрасынын башчысы Чолпонай Хидирова, кафедранын доценти Низамидин Мурзаев дагы өз ойлорун ортого салышты.
Иш-чаранын соңунда окутуучулардын жана студенттердин демилгеси менен уюштурулган чакан концерттик программа тартууланып, ырлар жаңырды, “Манас” эпосунан үзүндү айтылды.
http://iku.kg/index.php/component/content/article/9-news/67-mamlekettik-tildin-kelechegi-ke.html?Itemid=101#sigProIdc660ad2af2