Сауд Арабиясынын Мекке шаарында 42-жолу өткөрүлгөн бүткүл дүйнөлүк Куран жарышына дүйнөнүн 111 мамлекетинен 153 хафиз айтуучу катышкан. Дүйнөнүн алдыңкы хафиздеринин ичинен Эл аралык Кувейт университетинин бүтүрүүчүсү  Мухаммедали Умаров  30 пара  Куранды жатка айтуу жана тафсир категориясы боюнча 1-орунду багынткан.  Жеңүүчү мекендешибиз 250 миң риалга (5 млн 500 миң сом) ээ болгон.

Бул 24 жаштагы Мухаммедали Умаровдун биринчи ийгилиги эмес, анткени 2015-жылы Турцияда жана 2020-жылы 17-февралда Иран мамлекеттеринде болуп өткөн Дүйнөлүк Куран жарыштарда эки жолкусунда тең 3-орунду ээлеп  коло медалдын ээси болгон.

Мухаммедали Умаров 2016-2020-жылдарда Эл аралык Кувейт университетинин гуманитардык жана табигый илимдер факультетинин араб филологиясы адистигинде окуган.

Эл аралык Кувейт университетинин араб тил жумалыгынын жыйынтыктоочу иш-чарасында дүйнөлүк Куран окуунун жеңүүчүсү Мухаммедали Умаров ардактуу конок катары чакырылды.  Мухаммедали Умаровду Эл аралык Кувейт университетинин ректору, педагогика илимдеринин доктору, профессор Аскарбек Эсенович Байсеркеев, араб филологиясы кафедрасынын профессор-окутуучулар жамааты жана университеттин студенттери тосуп алып, ыраазычылык айтып бул окуу жайдын бүтүрүүчүсүнун мындай ийгиликке жетиши менен университеттин жалпы жамааты сыймыктанып жаткандыгын  билдирди.

•  

Белгилүү коомдук ишмер, журналист публицист Мелис Эшимкановдун 60-жылдыгын утурлай уюштурулган эскерүү иш-чарасында Эл аралык Кувейт университетинин Журналистика факультетинде окуган 4-курсттун студенти Асылбекова Бермет «Эң мыкты»  эссе жазгандыгы үчүн акчалай сыйлык утуп алды. Бул эскерүү иш-чарасына Кыргызстандагы бардык университеттердин журналистика бөлүмүнүн студенттери  катышты. Иш-чарада тандалып алынган 32 студенттин ичинен, эң жогорку  деңгээлде жазылган 8 жазмакерлердин катарында  Асылбекова Берметтин эссеси бааланып, Мелис Эшимкановдун стипендиясы ыйгарылды. Бул сынакка жогорку деңгээлде  даярдаган  Эл аралык Кувейт университетинин журналистика факультетинин окутуучусу Эмильбекова Асель эжеге жана жеңүүчү студентибиз Асылбекова Берметке ыраазычылык билдиребиз!

•  

4-декабрь күнү Эл аралык Кувейт университетинин студенттери үчүн Бишкек шаардык ички иштер башкы башкармалыгына караштуу Экстремизмге жана мыйзамсыз миграцияга каршы аракеттенүү кызматы тарабынан “Этностор аралык кастыкты жана экстремисттик кылмыштарды алдын алуу” - темасы боюнча профилактикалык түшүндүрүү лекциясы уюштурулду. Экстремизмге жана мыйзамсыз миграцияга каршы аракеттенүү кызматынын кызматкери, милициянын капитаны Юрусланбек Абдуманнапов аталган теманын тегерегиндеги орчундуу учурларга токтолуп, анын кесепеттери тууралуу кенен баяндама берди. Лекциянын аягында студенттер  менен суроо-жооптор болуп, Эл аралык Кувейт университетинин Табигый жана Гуманитардык илимдер факультетинин деканы А. К. Исмаилов атайын уюштрулган профилактикалык лекцияны өтүп берген милициянын капитаны Ю. Абдуманнаповго ЭКУнун Ыраазычылык катын тапшырды.

•  

24-ноябрда Эл аралык мамилелер жана юриспруденция кафедрасынын алдындагы «Дипломаттар клубунун» салт катары ɵткɵрʏп келе жаткан «Кыргыз дипломатиясындагы ɵмʏрʏ ɵрнɵк инсандары» рубрикасынын кезектеги иш-чарасы болуп ɵттʏ.

«Дипломаттар клубунун» бул жолку ардактуу коногу катары Кыргыз Республикасынын Атайын жана Ыйгарым укуктуу элчиси, профессор Аламанов Саламат Кʏлɵмбекович келди.

Иш-чараны Эл аралык Кувейт университетинин ректорунун кеңешчиси, Кыргыз Республикасынын илимине эмгек сиңирген ишмери, тарых илимдеринин доктору, профессор Ормушев Асан Сулайманович ачып, келген коноктун Кыргыз Республикасынын дипломатиясына, илимине, айрыча чек ара маселелерин чечʏʏдɵ жасаган опол тоодой эмгектерин белгилеп, терең ыраазычылыгын билдирди.

Профессор Саламат Кʏлɵмбекович келечектеги жаш дипломаттарга жана жаш юристерге Кыргыз Республикасынын тышкы саясаты, коңшу мамлекеттер менен болгон чек ара маселелери тууралуу кызыктуу баяндама жасап, студенттердин кызыктырган суроолоруна жооп берди.   

«Кыргыз дипломатиясындагы ɵмʏрʏ ɵрнɵк инсандары» рубрикасынын ардактуу коногунун Эл аралык Кувейт университетинин студенттери ʏчʏн убакыт таап, дипломаттарды тарбиялоодо ɵзʏнʏн тажрыйбасы менен бɵлʏшʏп, келечек жаш дипломаттарга шык берип, окууларына дем берип кеткенине Эл аралык Кувейт университетинин окуу жана илимий иштер боюнча проректору, педагогика илимдеринин кандидаты, доцент Ибраев Алмазбек Дʏйшɵкович жеке ɵзʏнʏн жана окуу жайдын профессордук-окутуучулар жамаатынын, студенттеринин жана Эл аралык Кувейт университетинин  ректору, Кыргыз Республикасынын эмгек сиңирген мугалими, педагогика илимдеринин доктору, профессор Байсеркеев Аскарбек Эсеновичтин атынан ыраазылык билдирди.

•